सलग सुरू असलेल्या मुसळधार पावसामुळे वान प्रकल्पाच्या जलसाठ्यात मोठी वाढ झाली आहे. आज, 31 जुलै 2026 रोजी सकाळी 7 वाजेपर्यंतच्या आकडेवारीनुसार, वान प्रकल्पातील एकूण जलसाठा 43.45 एमएम³ इतका झाला असून धरण 53.02 टक्के भरले आहे.
गेल्या 24 तासांत प्रकल्प परिसरात 109 मिलीमीटर पावसाची नोंद झाली आहे. तर चालू पावसाळी हंगामात आतापर्यंत एकूण 511 मिलीमीटर पर्जन्यमान नोंदविण्यात आले आहे.
सततच्या पावसामुळे धरणातील पाण्याची आवक कायम असून जलसाठ्यात सातत्याने वाढ होत आहे. त्यामुळे सिंचन, पिण्याच्या पाण्याचा साठा आणि भविष्यातील जलव्यवस्थापनाच्या दृष्टीने ही दिलासादायक बाब मानली जात आहे.
दरम्यान, पावसाचा जोर कायम राहण्याची शक्यता लक्षात घेता नदी-नाल्यांच्या परिसरातील नागरिकांनी सतर्क राहून प्रशासनाच्या सूचनांचे पालन करावे, असे आवाहन करण्यात येत आहे.
Leave a Comment