हिवरखेड रोडवर कार्ला फाट्याजवळ दुचाकी आणि स्कुटीची समोरासमोर जोरदार धडक होऊन भीषण अपघात झाला. या अपघातात तिघे जण गंभीर जखमी झाल्याची प्राथमिक माहिती आहे. जखमींमध्ये सोंडळा येथील संतोष अंधुरकर, तसेच सोनाळा येथील किशोर खडे आणि त्यांची पत्नी यांचा समावेश आहे.
मिळालेल्या माहितीनुसार, कार्ला फाट्याजवळ दोन्ही वाहनांची समोरासमोर जोरदार धडक झाली. धडक एवढी भीषण होती की दुचाकी आणि स्कुटीचे मोठे नुकसान झाले. अपघातानंतर तिघांनाही तातडीने उपचारासाठी रुग्णालयात दाखल करण्यात आले.
दरम्यान, तिघांची प्रकृती गंभीर असल्याने त्यांना पुढील उपचारासाठी अकोला येथे रेफर करण्यात आले आहे. अपघाताची माहिती मिळताच परिसरात नागरिकांची गर्दी झाली. या भीषण अपघातामुळे हिवरखेड परिसरात हळहळ व्यक्त होत आहे..
Leave a Comment