श्रावण महिन्याच्या पहिल्या सोमवारनिमित्त गांधीग्राम येथील पूर्णा नदीपात्रात जल भरण्यासाठी आज रविवारी संध्याकाळ पासून कावडधारी भाविकांची मोठी गर्दी होत असतानाच नदीपात्रात जीर्ण मूर्ती उघड्या अवस्थेत पडून असल्याचे निदर्शनास आले. दहीहंडा पोलिस स्टेशनच्या पोलिस मित्रांनी प्रसंगावधान राखत तातडीने मूर्ती बाजूला करून सुरक्षित ठिकाणी ठेवली.अशाच ताज्या, विश्वासार्ह आणि सर्वात आधी स्थानिक बातम्यांसाठी ‘अकोला न्यूज नेटवर्क’च्या WhatsApp ग्रुपला आजच जॉईन करा!आपल्या परिसरातील प्रत्येक महत्त्वाची अपडेट थेट आपल्या मोबाईलवर मिळवा.
श्रावण सोमवारच्या पार्श्वभूमीवर अकोट, अकोला तसेच ग्रामीण भागातून मोठ्या संख्येने कावडधारी भाविक गांधीग्राम येथे दाखल होत आहेत. पूर्णा नदीपात्रातून जल घेऊन भाविक महादेवाला अभिषेक करण्यासाठी रवाना होत असताना नदीपात्रात पोलिस मित्रांची नजर फिरत होती.
याचदरम्यान नदीपात्रात एक जीर्ण मूर्ती उघड्या अवस्थेत पडलेली आढळली. भाविकांची मोठी गर्दी असताना मूर्ती अशा अवस्थेत राहिल्यास तिची विटंबना होण्याची शक्यता लक्षात घेऊन पोलिस मित्रांनी तात्काळ पुढाकार घेतला. कोणताही विलंब न करता त्यांनी नदीपात्रात उतरून मूर्ती बाजूला काढली आणि सुरक्षित ठिकाणी ठेवली. त्यांच्या या तत्पर आणि संवेदनशील कृतीमुळे धार्मिक भावना जपण्यासोबतच संभाव्य अनुचित प्रकारालाही आळा बसला.
पोलिस मित्रांची ‘नजर’ पडली अन् मूर्ती झाली सुरक्षित!
गांधीग्राम येथे कावडधारी भाविकांची गर्दी असताना सुरक्षेची जबाबदारी पार पाडणाऱ्या पोलिस मित्रांनी दाखवलेली ही सामाजिक बांधिलकी कौतुकास्पद ठरत आहे. पोलिस बंदोबस्त केवळ गर्दी नियंत्रणापुरता मर्यादित न राहता धार्मिक स्थळे आणि भाविकांच्या भावनांची काळजी घेण्यापर्यंत पोहोचल्याचे या घटनेतून दिसून आले.अशाच ताज्या, विश्वासार्ह आणि सर्वात आधी स्थानिक बातम्यांसाठी ‘अकोला न्यूज नेटवर्क’च्या WhatsApp ग्रुपला आजच जॉईन करा!आपल्या परिसरातील प्रत्येक महत्त्वाची अपडेट थेट आपल्या मोबाईलवर मिळवा.
Leave a Comment