आईच्या कुशीत खेळण्याच्या वयातील एका निष्पाप चिमुकल्यावर काळाने नव्हे, तर एका विकृत मानसिकतेच्या व्यक्तीने घाला घातल्याची हृदयद्रावक घटना उत्तर प्रदेशातील फिरोजाबाद येथे समोर आली आहे. या अमानुष घटनेने संपूर्ण देश हादरला असून सोशल मीडियावर संतापाची लाट उसळली आहे.
प्राथमिक माहितीनुसार, एका महिलेवरील एकतर्फी प्रेमातून आरोपीने हा भयंकर गुन्हा केल्याचे सांगितले जात आहे. संबंधित महिलेबद्दल असलेल्या वैयक्तिक रागातून आणि सूडाच्या भावनेतून आरोपीने निष्पाप चिमुकल्याला लक्ष्य केल्याचा आरोप आहे.
या घटनेचा एक धक्कादायक व्हिडिओ सोशल मीडियावर मोठ्या प्रमाणात व्हायरल होत आहे. मात्र, त्या व्हिडिओमधील दृश्ये अत्यंत संवेदनशील आणि अस्वस्थ करणारी असल्याने त्याचे वर्णन करणेही कठीण आहे. व्हिडिओ समोर आल्यानंतर नागरिकांनी तीव्र संताप व्यक्त केला असून आरोपीविरोधात कठोरात कठोर कारवाईची मागणी होत आहे.
सोशल मीडियावर हजारो नागरिकांनी या घटनेचा निषेध नोंदवत पीडित कुटुंबाला त्वरित न्याय मिळावा, अशी मागणी केली आहे. अनेकांनी या घटनेला मानवतेला काळिमा फासणारे कृत्य संबोधले असून लहान मुलांच्या सुरक्षेबाबत गंभीर प्रश्न उपस्थित केले आहेत.
दरम्यान, या प्रकरणाचा तपास सुरू असून पोलिसांकडून आरोपीविरोधात कायदेशीर कारवाई करण्यात येत असल्याची माहिती समोर येत आहे. मात्र, या घटनेने समाजमन सुन्न केले असून निष्पाप जीवाच्या मृत्यूमुळे सर्वत्र हळहळ व्यक्त केली जात आहे.
Leave a Comment