अकोला जिल्ह्यात सुरू असलेल्या “ऑपरेशन प्रहार” मोहिमेअंतर्गत प्रतिबंधित गुटखा व सुगंधित तंबाखू विक्री आणि वाहतुकीवर पोलिसांनी मोठा आघात केला आहे. पोलीस अधीक्षक यांच्या आदेशानुसार दहीहंडा पोलीस स्टेशन हद्दीत ही महत्त्वपूर्ण कारवाई करण्यात आली.
दि. 16 एप्रिल 2026 रोजी पहाटे मिळालेल्या खात्रीलायक माहितीच्या आधारे किनखेड पुर्णा फाटा येथे नाकाबंदी करण्यात आली. यावेळी पांढऱ्या रंगाच्या Suzuki Burgman (MH 30 BY 0825) स्कुटीवरून येणाऱ्या संशयित इसमाची तपासणी करण्यात आली असता त्याच्याकडे मोठ्या प्रमाणात प्रतिबंधित गुटखा व सुगंधित तंबाखू आढळून आला.
या प्रकरणी आरोपी रेहान शहा रफीक शहा (वय 19, रा. चोहोट्टा बाजार) याच्याविरुद्ध दहीहंडा पोलीस स्टेशन येथे गुन्हा दाखल करण्यात आला आहे. आरोपीकडून विविध कंपन्यांचा गुटखा व तंबाखू किंमत रु. 27,550/- तसेच वाहतुकीसाठी वापरलेली स्कुटी किंमत रु. 80,000/- असा एकूण रु. 1,07,550/- चा मुद्देमाल जप्त करण्यात आला आहे.
ही कारवाई अपर पोलीस अधीक्षक आणि उपविभागीय पोलीस अधिकारी पाटील यांच्या मार्गदर्शनाखाली, ठाणेदार गोपाल ढोले पोलीस उपनिरीक्षक कापसे व त्यांच्या पथकाने यशस्वीरित्या पार पाडली.
जिल्ह्यात गुटखा व तंबाखू माफियांविरुद्ध पोलिसांचा ‘प्रहार’ सुरूच राहणार असून, अशा अवैध व्यवसायांना थारा दिला जाणार नाही, असा स्पष्ट इशारा प्रशासनाने दिला आहे.
Leave a Comment