अकोला न्यूज नेटवक ब्युरो दिनांक 07 मार्च 2026 अनुराग अभंग जिल्हा रिपोर्टर :- अकोला शहरातील खडकी परिसरात विधवा महिलेचा गळा दाबून खून झाल्याची धक्कादायक घटना समोर आली आहे. पैशांच्या वादातून आरोपीने थरारक पद्धतीने हत्या केल्याचे प्राथमिक तपासात उघड झाले. हत्या करून आरोपी मोबाईल घेऊन फरार झाला होता. पोलिसांनी वेगाने तपास करत अकोटमधून आरोपीला अटक केली. या खळबळजनक प्रकरणामागे नेमके काय कारण होते? वाचा संपूर्ण तपशील.
खडकी परिसरात थरारक हत्या; शहर हादरले
अकोला शहरातील खडकी परिसरात विधवा महिलेची हत्या झाल्याची धक्कादायक घटना समोर आल्याने संपूर्ण शहरात खळबळ उडाली आहे. पैशांच्या वादातून आरोपीने संतापाच्या भरात महिलेचा गळा दाबून खून केल्याचे पोलिस तपासात उघड झाले आहे.
मृत महिला दीपाली यांनी 2009 साली राहुल टाले यांच्याशी प्रेमविवाह केला होता. या दाम्पत्याला एक मुलगी आणि एक मुलगा अशी दोन मुले आहेत. अशाच ब्रेकिंग साठी अकोला न्यूज च्या वेब पेजला भेट देत राहा. मात्र काही वर्षांपूर्वी एका रस्ते अपघातात पती राहुल टाले यांचा मृत्यू झाला. त्यानंतर घराची संपूर्ण जबाबदारी दीपाली यांच्या खांद्यावर आली.
आपल्या मुलांच्या भविष्यासाठी त्या लोकांच्या घरात काम करून संसार चालवत होत्या. अत्यंत संघर्षमय जीवन जगणाऱ्या या महिलेचा असा निर्घृण खून झाल्याने परिसरात भीतीचे वातावरण निर्माण झाले आहे.
पैशांच्या वादातून उफाळला संताप
दीपाली या भाड्याच्या घरात राहत असल्याने त्यांना वारंवार घर बदलावे लागत होते. घरातील सामान हलवण्यासाठी वाहनाची गरज पडत असे. याच दरम्यान त्यांची ओळख जमील शाह उर्फ सलमान अजीज शाह या व्यक्तीशी झाली.
सुरुवातीला केवळ ओळख असलेला हा संबंध नंतर जवळिकीमध्ये बदलला. आरोपीचा घरात वावर वाढू लागला. दरम्यान, दीपाली आपल्या मुलांच्या भविष्यासाठी थोडेथोडके पैसे साठवत होत्या.
५ मार्च रोजी आरोपीने तिच्याकडे ठेवलेले सुमारे १४ हजार रुपये पाहिले. त्यानंतर त्याने वारंवार पैसे मागण्यास सुरुवात केली. मात्र दीपाली यांनी पैसे देण्यास नकार दिला.
यामुळे संतापलेल्या आरोपीने तिच्यावर हल्ला करत गळा दाबून हत्या केली. घटना घडल्यानंतर आरोपीने महिलेचा मोबाईल फोन घेतला आणि घटनास्थळावरून पळ काढला.
पोलिसांची वेगवान कारवाई; आरोपी अकोटमधून अटक
या घटनेची माहिती मिळताच खदान पोलीस ठाण्याचे पोलीस निरीक्षक मनोज केदारे यांनी तातडीने तपास सुरू केला. डीबी पथकाला शोधमोहीम राबवण्याचे आदेश देण्यात आले. अशाच प्रत्येक ब्रेकिंग साठी अकोला न्यूज नेताजीच्या वेब पेजला भेट देत रॉल
पोलिसांनी सर्वोपचार रुग्णालयात जाऊन डॉक्टरांकडून माहिती घेतली. पोस्टमार्टम अहवालानंतर महिलेचा गळा दाबून खून झाल्याचे स्पष्ट झाले. खदान पोलिस स्टेशन चे पोलीस निरीक्षक मनोज केदारे यांच्या मार्गदर्शनाखाली डीबी पथकातील संजय वानखडे, संदीप काटकर, गिरीश वीर, भूषण मोरे, कालूराम पवार आणि जाधव यांनी आरोपीचा शोध सुरू केला. तपासादरम्यान आरोपी अकोट येथे आपल्या बहिणीकडे लपल्याची माहिती पोलिसांना मिळाली. त्यानंतर पोलिसांनी सापळा रचून आरोपीला अकोटमधून अटक केली.
परिसरात भीती आणि संताप
या खडकी हत्या प्रकरणामुळे परिसरात भीती आणि संतापाचे वातावरण निर्माण झाले आहे. एका विधवा महिलेचा अशा प्रकारे खून झाल्याने नागरिकांनी कठोर कारवाईची मागणी केली आहे. पोलिसांकडून आरोपीची सखोल चौकशी सुरू असून या प्रकरणामागील इतर कारणांचाही तपास केला जात आहे.
तुमचे मत काय?
अशा गुन्ह्यांवर अधिक कठोर कायदे आणि शिक्षा व्हायला हव्यात का? आपले मत कमेंटमध्ये जरूर लिहा आणि अकोला व विदर्भातील ताज्या खळबळजनक बातम्यांसाठी आमच्या पोर्टलला नियमित भेट द्या.
