अकोट तालुक्यात उन्हाळ्याची चाहूल लागताच थंड पेयांची मागणी वाढली आहे. मात्र देवरी फाटा परिसरात काही दुकानदारांकडून एमआरपीपेक्षा जास्त दर आकारले जात असल्याचा आरोप समोर आला आहे. २० रुपये छापील किंमत असलेल्या बाटलीसाठी ३० रुपये आकारले जात असल्याची तक्रार ग्राहकांनी केली आहे.
ग्राहकांच्या म्हणण्यानुसार, “कुलिंग चार्ज”च्या नावाखाली ६ ते १० रुपये अधिक घेतले जात आहेत. वाढत्या उष्णतेमुळे नागरिकांना थंड पेय घेणे अपरिहार्य ठरत असताना अशा प्रकारे जादा दर आकारले जात असल्याने संताप व्यक्त केला जात आहे.
कायद्यानुसार एमआरपीपेक्षा जास्त दर घेणे बेकायदेशीर मानले जाते. तरीही अशा प्रकारे खुलेआम वसुली होत असल्याने प्रशासनाच्या भूमिकेवर प्रश्नचिन्ह उपस्थित होत आहे. संबंधित वजन व मापन विभागाने आणि पुरवठा विभागाने तात्काळ तपास करून दोषींवर कारवाई करावी, अशी मागणी नागरिकांकडून होत आहे.
उन्हाळ्यात ग्राहकांना दिलासा मिळण्याऐवजी आर्थिक झटका बसत असल्याची भावना व्यक्त केली जात आहे.
Leave a Comment