Prakash Ambedkar मोठी बातमी: प्रकाश आंबेडकरांकडून एकला चालो रे चा नारा; उमेदवारांची यादी जाहीर

अकोला न्यूज नेटवर्क ब्यूरो दिनांक २७ मार्च :- Prakash Ambedkar लोकसभा निवडणुकीच्या पार्श्वभूमीवर महाराष्ट्रातील राजकीय पटलावर नवी खेळी सुरू झाली आहे. प्रकाश आंबेडकर Prakash Ambedkar यांच्या वंचित बहुजन आघाडीनं महाविकास आघाडीला नकार दिला आहे. ओबीसी महासंघाशी आघाडी करून वंचितनं तिसरा पर्याय उभा केला आहे. आठ मतदारसंघांसाठी उमेदवारांची घोषणाही आंबेडकरांनी केली.

वादळी घोषणा: Prakash Ambedkar ओबीसी महासंघाशी युती महाविकास आघाडीसोबत जाण्यास नकार दिल्यानंतर वंचितनं दुसरा पर्याय निवडला आहे. ओबीसीच्या नेतृत्वाखालील महासंघाशी युती करण्यात आली आहे. यामुळे राज्यात तिसरी आघाडी उभी राहणार आहे. आंबेडकरांनी महाविकास आघाडीवर टीकाही केली.

गरिबांना आणि वंचितांना उमेदवारी “दलित, मुस्लिम, जैन, ओबीसी समाजातील लोकांना उमेदवारी देण्याचा आमचा प्रयत्न आहे. लोकांना बदल हवा आहे,” असं आंबेडकरांनी सांगितलं. गरिब आणि वंचित घटकांना अधिक संधी देण्याचा त्यांचा मानस आहे.

कोणकोणाला उमेदवारी? भंडारा-गोंदिया: संजय केवट (ओबीसी) गडचिरोली-चिमूर: हितेश मढवी (भजब)
चंद्रपूर: राजेश बेल्ले (ओबीसी) बुलढाणा: वसंत मगर (भजब) अकोला: प्रकाश आंबेडकर (बौद्ध) अमरावती: प्राजक्ता पिल्लेवान (जैन) वर्धा: राजेंद्र साळुंखे (दलित) यवतमाळ-वाशिम: खेमसिंह पवार (ओबीसी)

जरांगे फॅक्टर आणि मविआवर टीका मनोज जरांगे पाटील यांच्याशी चर्चा झाल्यानंतरही महाविकास आघाडीनं सकारात्मक प्रतिसाद दिला नाही, असा आरोप आंबेडकरांनी केला. “वंचितचा वापर घराणेशाही वाचवण्यासाठी केला जात होता. मी ते होऊ देणार नाही,” असा इशाराही त्यांनी दिला.

Leave a Comment

error: Content is protected !!