अकोला न्युज नेटवर्क दिनांक १४ मार्च २०२४ :- Electric bike battery explosion at home बदलत्या जीवनशैलीमुळे आजकाल इलेक्ट्रिक गाड्यांकडे वळण्याची प्रवृत्ती वाढत चालली आहे. पेट्रोल-डिझेल गाड्यांपेक्षा इलेक्ट्रिक गाड्या स्वस्त पर्याय असल्याने त्यांना पसंती मिळत आहे. मात्र इलेक्ट्रिक गाड्यांच्या बॅटऱ्यांचा मोठा धोका असल्याचे समोर आलेल्या एका व्हायरल व्हिडिओवरून लक्षात येते.
सोशल मीडियावर शेअर करण्यात आलेल्या एका व्हिडिओत घरातच चार्जिंगला लावलेल्या इलेक्ट्रिक गाडीच्या बॅटरीचा भीषण स्फोट होताना दिसत आहे. व्हिडिओमध्ये घरातून धुरामुरा आणि आग निघताना दिसत असून संपूर्ण घर धुराने भरलेले दिसते. व्हिडिओ शेअर करणाऱ्या व्यक्तीनेही लिहिले आहे की हा व्हिडिओ घरात चार्जिंगला लावलेल्या बॅटरीच्या स्फोटाचा आहे. Electric bike battery explosion at home
इन्स्टाग्राम युजर chakachaksurat यांनी हा व्हिडिओ शेअर केला असून तो सध्या जोरदार व्हायरल होत आहे. अनेकजण या व्हिडिओवरून इलेक्ट्रिक गाड्यांच्या धोक्यांवर भाष्य करताना दिसत आहेत. गेल्या काही वर्षांत इलेक्ट्रिक गाड्यांच्या बॅटऱ्यांनी पेट घेतलेल्या किती तरी घटना समोर आल्या आहेत. त्यामुळे अशा गोष्टींकडे दुर्लक्ष करता येणार नाही.
योग्य काळजी घेण्याची गरज असून घरात इलेक्ट्रिक गाड्यांच्या बॅटऱ्यांना चार्जिंगला लावणं टाळावं असा इशारा या व्हिडिओतून मिळतो.
