शेकापचा डॉ. अभय पाटील यांना सर्वपक्षीय पाठिंबा

अकोला न्युज नेटवर्क दिनांक १६ एप्रिल २०२४ :- अकोला लोकसभा मतदारसंघात महाविकास आघाडीच्या उमेदवार डॉ. अभय काशिनाथ पाटील यांना आता शेतकरी कामगार पक्ष (शेकाप) संपूर्णपणे पाठिंबा देत आहे. यासाठी शेकापचे जिल्हास्तरीय वरिष्ठ नेते भाई प्रदीप देशमुख यांनी डॉ. पाटील यांची भेट घेऊन हा पाठिंबा जाहीर केला आहे.

भाई प्रदीप देशमुख यांनी नमूद केले की, जिल्ह्यातील कृषी व कामगार समाजातील उपेक्षित घटकांना जाणून असलेले डॉ. अभय पाटील हे सक्षम उमेदवार आहेत. त्यांना निवडून आणणे म्हणजे जिल्ह्याच्या विकासाला प्रारंभ होणे होय. म्हणून विकासप्रेमी मतदारांनी त्यांना निवडून आणावे, असे आवाहन त्यांनी केले.

या वेळी शेकापचे जिल्हा चिटणीस दिनेश काठोके, तालुका चिटणीस विजय मोडक, अकोट तालुका चिटणीस संजय चिंचोळकर, मूर्तिजापूर तालुका चिटणीस विजय गावंडे, नामदेवराव काळे, प्रवीण कराळे, मध्यवर्ती समिती सदस्य सुनील पाटील मोडक, अरुण सनगाळे, राजेंद्र काळणे, शाळीग्राम साकरकार, पुरोगामी युवक संघटनेचे अध्यक्ष संतोष भोरे, दादासाहेब वाकोडे, मो. जमील, संजय चिंचोळकर आदी पदाधिकारी व कार्यकर्ते उपस्थित होते.

या पाठिंब्यामुळे मराठा सेवा संघाची शाखा असलेल्या संभाजी ब्रिगेडने आधीच केलेल्या पाठिंब्याच्या पार्श्वभूमीवर, डॉ. अभय पाटील यांच्या प्रचार मोहिमेला आणखी बळ मिळाले आहे. यामुळे काँग्रेस-महाविकास आघाडी पक्षाला मोठा धक्का बसला आहे.

भाई प्रदीप देशमुख यांनी डॉ. पाटील यांच्याशी राजकीय परिस्थितीवर चर्चा केल्याचे सांगितले. त्यांना शेतकरी व कामगार समाजातील घटकांची खोलवर जाणीव असल्याने, त्यांचे निवडून येणे हे जिल्ह्याच्या विकासासाठी महत्त्वाचे असल्याचे ही स्पष्ट केले.

या पाठिंब्यामुळे अकोला लोकसभा मतदारसंघातील राजकीय स्पर्धा अधिकच तीव्र झाली आहे. विविध पुरोगामी पक्ष व संघटना काँग्रेस-महाविकास आघाडीच्या उमेदवाराला पाठिंबा देत असल्याने, त्यांच्या विजयाची शक्यता वाढली आहे.

Leave a Comment

error: Content is protected !!