Finance Horoscope Today 1 October 2025 In Marathi : वृषभ, मिथुनसह या राशींसाठी दिवस उत्तम असून धनलाभाच्या संधी आहेत. तुमचे प्रोजेक्ट वेळेत पूर्ण होणार आहेत. कर्कसह या राशीच्या लोकांना कठोर मेहनत घ्यावी लागेल तरच काम मार्गी लागेल. मकरसह या जातकांचे ऑफिसमध्ये कौतुक होणार आहे. या राशीच्या लोकांनी वादविवादापासून दूर रहावे. तुमची राशी काय सांगते? चला तर मेष ते मीन राशीपर्यंत करिअर आणि आर्थिक बाबतीत तुमचा दिवस कसा असेल ते सविस्तरपणे पाहूया.
मेष आर्थिक राशिभविष्य – व्यवसायात आव्हानांचा सामना :- तुम्ही नियोजनबद्ध पद्धतीने काम केले तर तुम्ही व्यवसायातील आव्हानांवर सहज मात करणार आहात. तुमचा जे विरोध करतात त्यांच्याकडूनच तुम्हाला काही काम मिळेल जर तुम्ही अलीकडेच एखाद्या क्लायंटला उधार दिले असेल, तर तो पैसे परत देण्यास टाळाटाळ करू शकतो. नोकरीमध्ये कामाचा ताण अधिक असून तुम्हाला प्रोजेक्टे पूर्ण करण्यासाठी टीमकडून सहकार्य न मिळाल्याने तणाव वाढेल.
वृषभ आर्थिक राशिभविष्य – प्रोजेक्ट करताना नियोजन महत्त्वाचे :- धनलाभाच्या संधी वाढणार आहेत. तुम्हाला गुंतवणूक करायची असेल तर तज्ज्ञांचा सल्ला महत्त्वाचा आहे. भागीदारीत चालणारा व्यवसाय थोडा तणावपूर्ण असेल. आर्थिक व्यवहार लेखी स्वरूपात करणे शहाणपणाचे ठरेल. ऑफिसमध्ये तुमच्या कार्यक्षमतेकडे वरिष्ठ लक्ष देतील, ज्यामुळे प्रमोशन किंवा बोनसची शक्यता आहे. तुम्ही एकावेळी अनेक प्रोजेक्ट करत आहात त्याचे नियोजन योग्य प्रकारे करा. जोखीम घेण्याची तुमची तयारी आहे दरम्यान आज थोडं एकटं वाटेल.
मिथुन आर्थिक राशिभविष्य – व्यवसायात नवीन डिल :- व्यवसायात नवीन डिल झाल्यामुळे उत्पन्नाचे मार्ग विस्तारीत होतील. परदेशात काम करणाऱ्या किंवा एक्सपोर्ट-इम्पोर्ट व्यवसायाशी संबंधित लोकांना मोठा फायदा मिळू शकतो. स्टार्टअप सुरू करण्याचा विचार करणारे लोकांनी नियोजन अर्थात प्लॅनिंगकडे अधिक लक्ष द्यावे. ऑफिसमध्ये वरिष्ठ अधिकारी तुमच्या कामावर समाधानी राहतील, परंतु सहकाऱ्यांशी वाद टाळा. आर्थिकदृष्ट्या दिवस सकारात्मक आहे, गुंतवणूक करा.
कर्क आर्थिक राशिभविष्य – कामात कठोर मेहनत :- आज आर्थिकदृष्ट्या कर्क राशीसाठी दिवस अत्यंत शुभ आहे. तुमच्या व्यावसायिक योजना यशस्वी होतील. तुमच्यासाठी अनेक कामं आहेत ती तुम्हाला पूर्ण करावी लागतील. आज काही प्रोजेक्ट पूर्ण करताना जुने संपर्क उपयोगी पडतील. नोकरीमध्ये रिलोकेश किंवा नवीन प्रोजेक्टचा प्रस्ताव मिळेल.
सिंह आर्थिक राशिभविष्य – ऑफिसबरोबर घरातील काम मार्गी लावा :- आज तुमच्या नेतृत्व क्षमतेमुळे नोकरी किंवा व्यवसायात तुमची प्रशंसा होणार आहे. व्यवसायात नवीन योजनांसाठी भांडवल उभारण्यात यश मिळेल. नोकरीत बदली किंवा नवीन जबाबदारी मिळण्याची शक्यता आहे. तुम्ही ऑफिसमधील काम तर वेळेत पूर्ण करता त्याचबरोबर घरातील काम देखील मार्गी लावा. थोडा वेळ स्वतःसाठी काढणे महत्त्वाचे आहे.
कन्या आर्थिक राशिभविष्य – व्यवसायात खर्चांवर नियंत्रण ठेवा:- आज नोकरदार लोकांना कामाच्या ठिकाणी बदल होण्याची शक्यता आहे. प्रमोशन किंवा वेतनवाढीबद्दल चर्चा होऊ शकते. व्यापारी वर्गाने जर एखादी सरकारी निविदा केली असेल तर त्यात यश मिळेल. व्यवसायात खर्चांवर नियंत्रण ठेवणे आवश्यक आहे. जर गुंतवणूक करायची असेल तर तज्ज्ञांचा सल्ला घ्या.तुम्ही क्रिएटीव्ह काम खूप करत आहात पण त्यामुळे घरात वेळ देणे कमी होत आहे याकडे कटाक्षाने लक्ष द्यायला हवे.
तुळ आर्थिक राशिभविष्य – कर्ज फेडण्यात यश :- आज तुमचे बोलणे आणि संपर्क कौशल्य तुम्हाला आर्थिक प्रगतीकडे घेऊन जाणार आहे. व्यवसायात उत्पन्नाचे नवीन मार्ग खुले होतील. तुम्हाला कामाचा ताणतणाव सहन करण्यासाठी काही हेल्थ ऍक्टीव्हिटी सुरु करायला हवी. व्यवसायात तुमचे सहकारी तसेच घरातील मदतनीस यांचे पगार वेळेवर करा. जुने कर्ज फेडण्यात यश मिळेल. आजचा दिवस गुंतवणुकीसाठी अनुकूल असून तुम्ही तज्ज्ञांकडून सल्ला घेवू शकता.
वृश्चिक आर्थिक राशिभविष्य – चढउताराचा सामना करावा लागेल :- वृश्चिक राशीच्या लोकांसाठी दिवस संमिश्र असेल. तुम्ही अनेक दिवसांपासून चढउताराचा सामना करत आहात. तुम्ही जो काही निर्णय घ्याल त्याबद्दल सखोल विचार करा. तुमच्या वागण्यात आपलेपणा आणि संयमाची गरज आहे. आज व्यवसायात चांगले संधी आहे. राजकीय आणि सामाजिक क्षेत्रात मेहनत जास्त करावी लागेल. विरोधक आज फार काही करू शकणार नाही.
धनू आर्थिक राशिभविष्य – ऑफिस – घर यामध्ये समतोल ठेवा :- धनु राशीच्या लोकांसाठी दिवस ठिक असून मुलांकडून आनंदाची बातमी मिळेल. नवीन खर्च समोर येऊ शकतात. कोणीतरी तुमच्यावर खोटे आरोप करण्याची शक्यता आहे. समजा आज प्रवास करणार असाल तर सतर्क राहा. तुमच्या रागावर नियंत्रण ठेवा आणि अपशब्द बोलू नका. कार्यक्षेत्रासोबत घरातील जबाबदारी तुम्ही व्यवस्थित पार पाडायला हवी. घर आणि ऑफिस यामध्ये समतोल राखण्याचा प्रयत्न करा.
मकर आर्थिक राशिभविष्य – नोकरीत कामाचे कौतुक :- आजचा दिवस ठिक असून कामात अधिक व्यस्त राहणार आहात. तुमच्या प्रयत्नांमुळे प्रोजेक्ट चांगल्या प्रकारे पूर्ण होईल. तुम्हाला ऑफिसमध्ये कौतुक तसेच पुरस्काराने सन्मानित केले जाणार आहे. व्यापार किंवा व्यवसायात अधिक लक्ष देणे गरजेचे आहे. जी काही कामे मार्गी लागलेली नाहीत त्यांचा विचार करा आणि ती कामे पूर्ण करा. तुम्हाला नक्की काय सांगायचे आहे ते लोकांपर्यंत नीट जावू दे. समोरच्या बरोबर मोकळेपणाने संवाद ठेवा.
कुंभ आर्थिक राशिभविष्य – वादविवादापासून दूर राहा :- आज तुमच्या रागावर कंट्रोल ठेवा. कोणताही सहकारी किंवा शेजारी तुम्हाला काही सांगेल त्यावर तुम्ही त्वरित राग व्यक्त करु शकता पण शक्यतो असे करू नका. वादविवादापासून तुम्ही दूर राहणे उत्तम आहे. तुमचं भविष्य उज्जवल आणि मंगलमय होण्यासाठी कठोर मेहनत महत्त्वाची आहे. ऑफिसशी संबंधित काही प्रोजेक्ट मार्गी लागतील. समजा करिअरसंदर्भात काही नवीन संधी मिळाली तर लाभ घ्या.
मीन आर्थिक राशिभविष्य – कामाचा ताण आजारपणाला आमंत्रण :- आजचा दिवस ठिक असून तुम्हाला काम पूर्ण करण्यासाठी कठोर मेहनत घ्यावी लागेल. तुम्ही धार्मिक प्रवासाचे आयोजन केले आहे पण त्यात त्रासाची शक्यता आहे. मोठ्या मुलाचे वागणे तुम्हाला खूप त्रास देणार आहे. कामाचा ताण आजारपण घेवून येईल तेव्हा सावध राहा. सर्व जबाबदाऱ्या वेळेवर पूर्ण होणार नाहीत. वरिष्ठ तुम्हाला रागावू शकतात तेव्हा कामत फोकस करा. तुम्ही कोणाला अपशब्द बोललात तर त्याचा त्रास तुम्हालाच होईल.
