अकोला न्यूज नेटवर्क ब्युरो दिनांक २१ ऑगस्ट २०२५ राहुल सोनोने प्रतिनिधी वाडेगाव :- शहापूर येथील योगीराज ज्ञानपीठात ७९ वा स्वातंत्र्यदिन आणि ज्युनिअर कॉलेजच्या वास्तु लोकार्पण सोहळ्याचा भव्य कार्यक्रम पार पडला. मान्यवरांच्या उपस्थितीत विद्यार्थ्यांचा सत्कार करण्यात आला तर समाजसेवेचा संदेश देत शैक्षणिक उन्नतीसाठी प्रेरणादायी मार्गदर्शनही मिळाले.
शहापूर येथील योगीराज ज्ञानपीठात ७९ वा स्वातंत्र्यदिन आणि ज्युनिअर कॉलेजच्या वास्तु लोकार्पण सोहळ्याचा मोठ्या उत्साहात आयोजन करण्यात आला. कार्यक्रमाच्या अध्यक्षस्थानी सौ. जानकीदेवी चांडक तर प्रमुख पाहुणे म्हणून नागपूर येथील प्रख्यात समाजसेवक व मार्गदर्शक श्री. विरेंद्रजी मोहनलालजी चांडक उपस्थित होते. त्यांच्या मार्गदर्शनातून विद्यार्थ्यांना देशप्रेम, स्वकर्तृत्व आणि समाजसेवेचे भान निर्माण झाले.
कार्यक्रमाची सुरुवात मान्यवरांच्या हस्ते ध्वजारोहणाने झाली. यावेळी संस्थेच्या प्रांगणात नव्याने उभारलेल्या ज्युनिअर कॉलेजच्या प्रशस्त वास्तूचे लोकार्पणही संपन्न झाले. संस्थेचे अध्यक्ष डॉ. रतनजी राठी , उपाध्यक्ष वसंतजी भंड, तसेच सचिव सुनिता राठी यांच्या मार्गदर्शनाखाली शैक्षणिक प्रगतीसाठी कार्यरत शिक्षकवर्ग व शिक्षकेतर कर्मचाऱ्यांचे कौतुक करण्यात आले.
कार्यक्रमात दहावीपर्यंतच्या गुणवंत विद्यार्थ्यांचा सन्मान करून त्यांना प्रेरणा देण्यात आली. श्री. मुरलीधरजी भंसाली यांनी समाजासाठी योगदान देण्याचे महत्त्व अधोरेखित केले. प्रमुख पाहुण्यांच्या उपस्थितीमुळे शाळेच्या विकासाला नवी दिशा मिळाल्याची भावना व्यक्त करण्यात आली.
शेवटी आभारप्रदर्शन करताना मुख्याध्यापिका सौ. माधुरी दाभाडे यांनी सर्व मान्यवर, पालक, शिक्षक आणि समाजातील दानशूर व्यक्तींना मनःपूर्वक धन्यवाद दिले. स्वातंत्र्यदिनाचा उत्साह आणि लोकार्पणाचा अभिमान विद्यार्थ्यांच्या मनावर कायमस्वरूपी ठसा उमटवून गेला.यावेळी कार्यक्रमाला महेश राठी,सौ मृदला राठी,सीमाताई राठी,रामेश्वर राठी,श्यामसुंदर राठी,सतीश राठी,अनिल सोनी,सौ स्नेहल सोनी,पुष्पा अग्रवाल,प्रफुल चांडक,राजेंद्र चांडक,चिंतामणी चांडक, सरपंच सरस्वती बद्रखे,,उपाध्यक्ष वसंत भट्टड सचिव सुनीता राठी,मुख्याध्यापिका माधुरी दाभाडे,कार्यक्रमाची प्रस्तावना गजानन तिडके
सोपान नवथले यांनी आभार मानले..
