अकोला न्यूज नेटवर्क ब्युरो दिनांक एप्रिल २०२५ — निसर्गसौंदर्य आणि प्रेमाचे प्रतीक मानल्या जाणाऱ्या काश्मीरमध्ये दहशतीने पुन्हा एकदा कहर केला आहे. पाहलगाममध्ये नवविवाहित जोडप्यावर झालेल्या दहशतवादी हल्ल्याने संपूर्ण देश हादरला आहे. हल्ल्यात पती गंभीर जखमी झाला असून, त्याच्या नवविवाहित पत्नीसमोरच दहशतवाद्यांनी गोळ्या झाडल्याने ती सुन्न झाली आहे. हातात अजूनही चुडा भरलेला असताना अश्रूंनी तिचे डोळे भरून आले होते.
हनीमूनसाठी काश्मीरची निवड ठरली काळाची ठराफ
उत्तर भारतातील हरियाणाच्या यमुनानगर जिल्ह्यातील हे जोडपे नुकतेच विवाहबंधनात अडकले होते. आयुष्याच्या नव्या सुरुवातीसाठी त्यांनी हनीमूनसाठी काश्मीरच्या सौंदर्याची निवड केली होती. अनेक जोडप्यांप्रमाणेच त्यांनीही पाहलगामसारख्या रम्य ठिकाणी फिरायला जाण्याचा निर्णय घेतला, परंतु नियती काही वेगळाच कट आखत होती.
हल्ल्याचा थरार – क्षणात सगळं बदललं
९ एप्रिल रोजी सकाळी हे जोडपे पाहलगाममध्ये फिरत असताना या गोळीबारात मयत झालेल्या पतीच्या शेजारी खिन्न मनाने बसलेली पत्नी पाहून उपस्थितांच्या काळजात धस्स झालं. या महिलेने दहशतवाद्यांनी तिच्या पतीला केवळ मुस्लिम नसल्याचं सांगितल्यामुळे गोळ्या घातल्याचं म्हटलं आहे.
पहलगाममध्ये पोलिसांच्या वेषात आलेल्या दहशतवाद्यांनी पर्यटकांना आपला निशाणा बनवला. पर्यटकांची नावे विचारून त्यांच्यावर गोळीबार करण्यात आला. या वेळी एक नवविवाहित जोडपेदखील दहशतवाद्यांच्या हल्लातून सुटले नाही. या जोडप्यातील पुरुषाला आधी त्याचा धर्म विचारला आणि मग त्याला गोळ्या घालण्यात आल्याचं त्याच्या पत्नीने सांगितलं. ही महिला आपल्या पतीला वाचवण्यासाठी लोकांना आवाहन करत होती. पण त्याचा काही उपयोग झाला नाही. शेवटी खिन्न मनाने ती मृत पतीच्या शेजारी बसली.
नववधूचा आक्रोश – “अभी तो सात फेरे लिए थे…”
हल्ल्यानंतर जेव्हा लोकांनी आणि सुरक्षादलांनी जखमींना रुग्णालयात पोहचवले, तेव्हा नववधू सतत रडत होती. “अभी तो सात फेरे लिए थे… कुछ दिन भी साथ नहीं रह पाए…” असे ती ओरडून सांगत होती. तिच्या हातात अजूनही लग्नाची चुडा, मेहंदी आणि साजशृंगार होता. एका क्षणात तिचे आयुष्य बदलून गेले.
दहशतवाद्यांचा उद्देश काय?
सुरक्षादलांच्या प्राथमिक तपासणीत हे लक्षात आले की, हा हल्ला पर्यटकांवर भीती निर्माण करण्याच्या हेतूने झाला असावा. काश्मीरमध्ये पर्यटन हळूहळू पुन्हा जोमात येत असतानाच अशा घटनांमुळे देशभरात भीतीचं वातावरण निर्माण होतं.
देशभरातून संतापाची लाट
या घटनेनंतर देशभरातून संतप्त प्रतिक्रिया उमटत आहेत. सोशल मीडियावर “काश्मीर फाईल्स रिअलिटी” हॅशटॅग पुन्हा ट्रेंड होत आहे. अनेक नागरिकांनी सरकारला सडेतोड कारवाईची मागणी केली आहे. “नवविवाहित जोडप्यांना सुद्धा आता काश्मीरमध्ये सुरक्षितता नाही का?” असा सवाल नेटकर्‍यांनी उपस्थित केला आहे.
नेत्यांचे वक्तव्य
पंतप्रधान नरेंद्र मोदी यांनी या घटनेचा तीव्र शब्दांत निषेध केला आहे आणि जखमींना योग्य उपचार मिळावेत यासाठी आदेश दिले आहेत. गृहमंत्री अमित शहा यांनीही या दहशतवादी हल्ल्यावर चिंता व्यक्त करत, हल्लेखोरांना लवकरात लवकर पकडण्याचा विश्वास दिला आहे.
काश्मीर पर्यटनाला फटका बसण्याची शक्यता
ज्या वेगाने काश्मीरमध्ये पर्यटकांची संख्या वाढत होती, त्याला या हल्ल्यामुळे मोठा फटका बसू शकतो. हॉटेल व्यावसायिक, स्थानिक गाईड आणि टॅक्सी चालकांमध्ये भीतीचं वातावरण आहे. पर्यटकांच्या सुरक्षेबाबत सरकार अधिक सतर्क राहील, असा विश्वास स्थानिक प्रशासनाने दिला आहे.
जम्मू-काश्मीरच्या पहलगाममध्ये दहशतवाद्यांनी केलेल्या पर्यटकांवरील हल्ल्यामध्ये 28 हून अधिक पर्यटकांचा मृत्यू झाल्याची माहिती आहे. या आकड्यामध्ये वाढ होऊ शकते. तसेच अनेकजण जखमी झाले असून त्यांच्यावर उपचार सुरू आहेत.
या दहशतवादी हल्ल्यातील जखमींमध्ये राजस्थानच्या पर्यटकांसह महाराष्ट्राच्याही काही पर्यटकांचा समावेश आहे. तसंच काही स्थानिक नागरिकही यात जखमी झाले आहेत. तसंच त्यांनी धर्म विचारून गोळ्या झाडल्या अशी प्रत्यक्षदर्शींची माहिती आहे. सुरक्षा दलाकडून शोधकार्य सुरू आहे. दहशतवादी पोलीस युनिफॉर्ममध्ये असल्याची माहिती आहे. या हल्ल्यामागे टीआरएफ दहशवादी संघटनेचा हात आहे. सीआरपीएफची क्विक रिअॅक्शन टीम घटनास्थळावर तैनात करण्यात आली आहे.
