अकोला न्यूज नेटवर्क ब्युरो दिनांक २२ फेब्रुवारी २०२५:- अकोट उपविभागीय पोलीस अधिकारी अनमोल मित्तल यांच्या मार्गदर्शनाखाली पोलिसांनी मोठी कारवाई करत अवैध गोवंश मास विक्री करणाऱ्या आरोपीला रंगेहात अटक केली आहे. ही कारवाई दंहिहंडा पोलीस स्टेशनच्या हद्दीत करण्यात आली असून, आरोपी भोला उर्फ कुरेशी हा वरुळ जवळका येथे गोवंश मास तस्करी करत असल्याची माहिती पोलिसांना मिळाली होती.
गुप्त माहितीच्या आधारे पोलिसांची सापळा रचना
पोलिसांना मिळालेल्या गुप्त माहितीनुसार, आरोपी भोला उर्फ कुरेशी हा अवैधरीत्या गोवंश मास वाहतूक करत असल्याचे निष्पन्न झाले. यानंतर अकोट उपविभागीय पोलीस अधिकारी अनमोल मित्तल यांच्या मार्गदर्शनाखाली पथकाने योजनाबद्ध सापळा रचून आरोपीला रंगेहात पकडले.
या कारवाईत पोलिसांनी ९५ किलो गोवंश मांस आणि एक मोटरसायकल असा एकूण ५४,००० रुपयांचा मुद्देमाल जप्त केला आहे. पोलिसांनी आरोपीविरुद्ध कठोर कारवाई करत त्याच्यावर संबंधित कायद्यांनुसार गुन्हा दाखल केला आहे.
स्थानिक नागरिकांचा सकारात्मक प्रतिसाद
या कारवाईमुळे अवैध गोवंश मास विक्रेत्यांमध्ये खळबळ उडाली असून, स्थानिक नागरिकांनी पोलिसांच्या धडक कारवाईचे कौतुक केले आहे. गावकऱ्यांच्या मते, अशा प्रकारांमुळे समाजात अशांतता पसरते आणि त्यामुळे या प्रकारांना आळा घालण्यासाठी कठोर कारवाई आवश्यक आहे.
गुन्हेगारीवर नियंत्रण ठेवण्यासाठी पोलिसांचे पुढाकार
अकोट उपविभागीय पोलीस अधिकारी यांचे पथकाचे कारवाईमुळे स्पष्ट केले आहे की, अशा अवैध धंद्यांना पायबंद घालण्यासाठी सातत्याने कारवाई केली जाईल. अकोट उपविभागीय अधिकारी आणि स्थानिक पोलीस ठाणे भविष्यातही अशा प्रकारच्या तस्करीवर लक्ष ठेवणार आहेत.
जनतेसाठी पोलिसांचे आवाहन
पोलिस प्रशासनाने नागरिकांना आवाहन केले आहे की, अवैध गोवंश मास,तस्करी किंवा अन्य गुन्हेगारी बाबत कोणतीही माहिती मिळाल्यास तत्काळ पोलिसांशी संपर्क साधावा. पोलिसांचे हे कठोर पाऊल भविष्यातही गुन्हेगारी रोखण्यासाठी महत्त्वाचे ठरणार आहे.
