अकोला न्यूज नेटवर्क ब्यूरो दिनांक, दि. ३० फेब्रुवारी :- राज्यभरातील औषध दुकानांसाठी अन्न व औषध प्रशासनाने (FDA) एक महत्त्वाचा आदेश जारी केला आहे. या आदेशानुसार, प्रत्येक मेडिकल स्टोअरमध्ये सीसीटीव्ही कॅमेरे बसविणे अनिवार्य असून, त्यातील रेकॉर्डिंग किमान ३० दिवसांचे संग्रहित ठेवणे आवश्यक आहे. राज्यभरात या आदेशाची तातडीने अंमलबजावणी करण्यात येणार आहे. त्यामुळे अकोला जिल्ह्यातील सर्व औषध विक्रेत्यांनी ही सुविधा तत्काळ कार्यान्वित करण्याचे आवाहन जिल्हा अन्न व औषध प्रशासनाने केले आहे.
नियमाचे पालन का गरजेचे?
हा आदेश औषध विक्रीत पारदर्शकता आणण्यासाठी, ग्राहकांच्या सुरक्षिततेसाठी आणि गैरवापर रोखण्यासाठी लागू करण्यात आला आहे. अनेक वेळा औषध विक्री केंद्रांवर खोटी प्रिस्क्रिप्शन्स, बोगस ग्राहक, औषधांच्या काळ्या बाजारातील विक्री आणि गैरप्रकार आढळून येतात. यावर नियंत्रण ठेवण्यासाठी सीसीटीव्ही फुटेज अनिवार्य करण्याचा निर्णय घेतला गेला आहे.
काय आहेत नवीन नियम?
- सीसीटीव्ही यंत्रणा बसविणे अनिवार्य: प्रत्येक औषध दुकानात किमान दोन किंवा अधिक सीसीटीव्ही कॅमेरे बसविणे बंधनकारक आहे.
- फुटेज ३० दिवसांसाठी संग्रहित ठेवणे: सीसीटीव्हीमधील रेकॉर्डिंग किमान ३० दिवसांसाठी ठेवणे आवश्यक आहे, जे तपासणीसाठी प्रशासनाला मागणी केल्यास सादर करावे लागेल.
- प्रवेश आणि बाहेर पडण्याच्या ठिकाणी कॅमेरे: ग्राहक आणि औषध विक्रेत्यांची हालचाल सहजपणे कैद करण्यासाठी दुकानाच्या मुख्य दरवाज्यांवर, बिलिंग काउंटरवर आणि प्रतीक्षा कक्षात कॅमेरे बसवणे बंधनकारक आहे.
- फुटेज उपलब्ध न ठेवल्यास कारवाई: जर तपासणीदरम्यान सीसीटीव्ही यंत्रणा कार्यरत नसल्याचे आढळले किंवा फुटेज संग्रहित नसेल, तर संबंधित औषध विक्रेत्यांवर कायदेशीर कारवाई केली जाणार आहे.
- दुकान सुरू असतानाच नव्हे, तर बंद असतानाही सुरक्षेची खात्री: रात्रीच्या वेळी होणाऱ्या संभाव्य चोरी आणि इतर घटनांवर लक्ष ठेवण्यासाठी सीसीटीव्ही यंत्रणा कायमस्वरूपी कार्यरत असावी.
औषध विक्रेत्यांची जबाबदारी आणि अंमलबजावणी
अकोला जिल्ह्यातील अन्न व औषध प्रशासनाने या निर्णयाची कठोर अंमलबजावणी करण्याचे ठरवले आहे. औषध विक्रेत्यांना प्रशासन
