अकोला न्यूज नेटवर्क ब्यूरो दिनांक १८ मे :- Akola Crime अकोला शहरातील एका खाजगी कुस्ती केंद्रात घडलेल्या अल्पवयीन विद्यार्थिनीवरील विनयभंगाच्या घटनेमुळे संपूर्ण शहरात खळबळ उडाली आहे. जुन्या शहर पोलीस ठाण्यात या प्रकरणी गुन्हा दाखल करण्यात आला असून, आरोपी कुस्ती प्रशिक्षकाला अटक करण्यात आली आहे. या धक्कादायक घटनेमुळे विद्यार्थिनी आणि तिच्या कुटुंबियांना मोठा धक्का बसला आहे.
घटनेची सविस्तर माहिती अशी आहे – Akola Crime 9 मे रोजी एका 15 वर्षीय विद्यार्थिनी घराबाहेर पडली होती. कुटुंबियांनी तिचा शोध घेतला, परंतु तिची कुठेही चिन्हे सापडली नाहीत. अखेर 9 मेला कुटुंबियांनी जुन्या शहर पोलीस ठाण्यात तिच्या बेपत्ता होण्याची तक्रार नोंदवली. पोलिसांनी शोध मोहीम सुरू केली आणि तिच्या मैत्रिणी व इतर नातेवाइकांकडून माहिती घेतली. यावेळी एक धक्कादायक बाब समोर आली.
पीडित मुलीचे कुस्ती प्रशिक्षक जयशंकर धुर्वे (54) याने तिचा विनयभंग केला होता. तसेच तिला राष्ट्रीय महामार्गावरून बळजबरीने सोबत नेण्याचाही प्रयत्न केला होता. जेव्हा पोलिसांनी धुर्वे यांच्याकडे या प्रकरणाची विचारणा केली, तेव्हा त्यांनी उडवा-उडवीची उत्तरे दिली. मात्र चौकशीत असे निदर्शनास आले की हा प्रकार घडल्यानंतर पीडित मुलगी काही दिवस शहरातील बालगृहात राहिली होती.
या घटनेनंतर Akola Crime जुन्या शहर पोलीस ठाण्यात विनयभंग आणि अपहरणाच्या संशयावरुन धुर्वे यांच्याविरुद्ध गुन्हा दाखल करण्यात आला. तसेच बालसंरक्षण कायद्यांतर्गतही कारवाई करण्यात आली आहे. सध्या पोलिसांकडून या प्रकरणाची सखोल चौकशी सुरू असून, धुर्वे यांना अटक करण्यात आली आहे.
दरम्यान, पोलिसांनी या घटनेच्या पार्श्वभूमीवर पालकांना देखील सावधगिरी बाळगण्याचा इशारा दिला आहे. गेल्या काही वर्षांत शहरात अशा अनेक घटना घडल्या आहेत. यामुळे खाजगी कोचिंग क्लासेस किंवा शिक्षण संस्थांबाबत पालकांनी जास्तीत जास्त काळजी घेणे अत्यावश्यक ठरत आहे.
ही घटना शहरासाठी काळीमा ठरणारी असून शहरातील विद्यार्थ्यांमध्ये भीतीचे वातावरण निर्माण झाले आहे. या घटनेमुळे समाजात संताप व्यक्त होत आहे आणि आरोपी प्रशिक्षकावर कठोर कारवाई करण्याची मागणी होत आहे. या घटनेवरून शिकवण घेणे गरजेचे आहे. अशा प्रकारच्या अत्याचारापासून मुलींचे संरक्षण करण्यासाठी समाजाला एकत्रितपणे प्रयत्न करणे गरजेचे आहे.
