अकोला न्यूज नेटवर्क ब्यूरो दिनांक १० एप्रिल:-Akola Crime आगामी लोकसभा निवडणुकांचे संकेत मिळताच अकोला पोलिसांनी गावठी हातभट्ट्यांवरील कारवाईचा बडगा उचलला आहे. जिल्हा पोलीस अधीक्षक बच्चन सिंह यांच्या मार्गदर्शनाखाली स्थानिक गुन्हे शाखेच्या पथकांनी जिल्ह्यातील तीन गावांमधून गुप्त बातम्यांवरून मोठी कारवाई केली. या कारवाईत २,९५,६००/- रुपयांचा मोठा दारूसाठा जप्त करण्यात आला असून ४ आरोपींना अटक करण्यात आली आहे.
निवडणुकीच्या पवित्र कामात Akola Crime अवैध दारूच्या व्यवहाराचा भाग येऊ नये यासाठी पोलिसांनी आगाऊपणे या कारवाया केल्या आहेत. लोकशाहीच्या या उत्सवात कोणत्याही अनैतिक गोष्टींना वाव नाही. निर्भीडपणे मतदानाचा हक्क बजावण्यासाठी सर्वसामान्य जनतेला अवैध दारूच्या भीतीपासून मुक्त करणे गरजेचे आहे. त्यासाठी पोलिसांनी अशा कठोर कारवाया होणे अपरिहार्य आहे.
दिनांक ९ एप्रिल रोजी Akola Crime स्था.गु.शा. पथकाने अकोला जिल्ह्यातील तेल्हारा तालुक्यातील सिरसोली गावात छापा टाकला. येथे दोन आरोपींकडून १०० लिटर गावठी दारू व ६५० लिटर सडवा मोहमाचा साठा जप्त करण्यात आला. एकूण ७५,०००/- रुपयांचा मुद्देमाल हस्तगत झाला.
दुसरी मोठी कारवाई Akola Crime ही १० एप्रिलला पिंजर पोलीस ठाण्याच्या हद्दीतील पातुरनंदापुर गावात झाली. येथे तयार करीत असलेल्या गावठी हातभट्टीवरून पोलिसांनी धडक मारली. या छाप्यात ९६० लिटर सडवा मोहमाच व ५५ लिटर गावठी दारू असा एकूण १,५५,६००/- रुपयांचा मुद्देमाल जप्त करण्यात आला.
तर १० एप्रिलच्या तिसर्या कारवाईत Akola Crime खडान पोलीस ठाण्याच्या हद्दीतील चांदुर गावातून ६१५ लिटर सडवा व ४० लिटर गावठी दारू असा एकूण ६५,०००/- रुपयांचा मुद्देमाल जप्त करण्यात आला.
या तिन्ही कारवायांमध्ये स्था.गु.शा. पथकाने एकूण २,९५,६००/- रुपयांचा मोठा दारूसाठा जप्त केला आहे. कार्यवाही ही अकोला जिल्हा पोलीस अधिक्षक बच्चन सिंह, अपर पोलीस अधिक्षक अभय डोंगरे यांचे मार्गदर्शनाखाली अकोला स्थानिक गुन्हेशाखेचे पोलीस निरीक्षक शंकर शेळके यांच्या नेतृत्वात पो.उप.नि. राजेश जवरे व स्थानिक गुन्हे शाखा अकोला येथील पोलीस अंमलदार दशरथ बोरकर, गोकुळ चव्हान, सुलतान पठाण, अब्दुल माजीद, रविंद्र खंडारे, भास्कर धोत्रे, महेंद्र मलिये, खुशाल नेमाडे, विशाल मोरे, अविनाश पाचपोर, एजाज अहेमद, लिलाधर खंडारे, अन्सार अहेमद, धिरज वानखडे, मोहम्मद आमीर, सतिश पवार, अशोक सोनवणे, तसेच चालक पो. अंमलदार प्रशांत कमलाकर, विजय कबले यांच्या सयुक्तिक प्रयत्नांतून ही यशस्वी कारवाई पार पडली.
पोलिसांच्या या आक्रमक पावलांमुळे जिल्ह्यातील गावठी दारु गैरव्यवहारावर लगाम बसण्यास मदत होईल. निवडणुकीच्या पवित्र प्रक्रियेत दारुबाजारीला आळा बसेल. मुक्त व निर्भीड वातावरणात मतदारांना आपला मताधिकार बजावता येईल. निवडणुकांमध्ये शुचितापूर्वक सहभागी होण्यास पोलिसांच्या या पावलांमुळे बळ मिळेल.
