Aaj che Aarthik Rashi Bhavishya 24 October 2025: मेषसाठी कामाचे कौतुक, वृषभला मेहनतीचे फळ व सन्मान मिळेल. वृश्चिकसाठी तणावाची शक्यता, तर कुंभने सहकाऱ्यांचा आदर राखावा. मीनसाठी प्रवासयोग आणि कौटुंबिक समाधान. एकूणच, मेहनत व संयमाने आजचा दिवस आर्थिकदृष्ट्या शुभ ठरणार आहे. सर्व राशींसाठी आजचा दिवस कसा असेल, त्यांची आर्थिक कुंडली काय म्हणते आहे, सविस्तरपणे जाणून घेऊया.
मेष आर्थिक राशिभविष्य :- आज तुमच्यासाठी दिवस चांगला असून कर्तृत्वाला नवी दिशा मिळेल. तुमच्या मान-सन्मानात आणि प्रतिष्ठेत भर पडेल. ऑफिसमध्ये तुमच्या कामाचे कौतुक होईल. तुमच्यामुळे प्रोजेक्ट वेळेत पूर्ण होणार आहे पण जास्तवेळ काम केल्यामुळे तुमची थोडी चिडचिड होईल. अचानक लाभ होण्याची शक्यता आहे. संध्याकाळी धार्मिक आणि शुभ कार्यांमध्ये सहभागी होणार आहात. दानधर्म करणार असून मानसिक समाधान मिळेल.
वृषभ आर्थिक राशिभविष्य :- आज तुम्हाला मेहनतीचे फळ मिळेल तुमची तक्रार असेत कोणी तुमचे कौतुक करत नाही किंवा मेहनतीची दादा घेतली जात नाही. आज वरिष्ठ खास तुमचे कौतुक करतील. तुमचे उदाहरण सगळ्यांना दिले जाईल. यामुळे तुमचा आत्मविश्वास वाढेल. घरातही तुमचा मान सन्मान वाढणार आहे. धार्मिक गोष्टीत अधिक सहभाग घेणार आहात. संध्याकाळी कुटुंबासोबत एखाद्या मंगलकार्यात सहभागी होणार आहात.
मिथुन आर्थिक राशिभविष्य :- आजचा दिवस फारसा ठिक नाही किरकोळ वाद होण्याची शक्यता आहे. तुम्ही संयमाने परिस्थितीचा सामना करा. विरोधकांचा त्रास वाढण्याची शक्यता आहे पण तुम्ही हुशारीने संकटांचा सामना करा. तुमच्या कामातील वेग पाहून विरोधक थोडे शांत होतील. व्यवसायात ग्राहक वाढत आहेत त्यामुळे प्रोडक्शन वाढवावे लागेल. वेळेनुसार कामाचे नियोजन करा.
कर्क आर्थिक राशिभविष्य :-आजचा दिवस तुमच्यासाठी आनंदाचा आणि समाधानाचा आहे. तुम्ही जी काही इच्छा मनात धरली होती ती पूर्ण होणार आहे. एखाद्या राजकीय नेत्याचे किंवा वरिष्ठ व्यक्तीचं पाठबळ तुम्हाला मिळेल. यात आणखी एक चांगली चांगली गोष्ट होणार आहे ती म्हणजे मौल्यवान हरवलेली वस्तू परत मिळू शकते. आर्थिक स्थिती उत्तम असल्यामुळे गुंतवणुकिचा विचार करा.
सिंह आर्थिक राशिभविष्य :- आजचा दिवस तुमच्यासाठी चांगाल आहे. प्रतिस्पर्ध्यांसाठी तुम्ही डोकेदुखी ठरणार आहात. व्यवसायात अपेक्षेपेक्षा जास्त प्रगती होणार असून आत्मविश्वास द्विगुणीत होईल. जे काही काम हाती घेणार ते पूर्ण कराल. मुलांकडून चांगली बातमी मिळेल. नातेवाईक तुमच्यावर खुष असतील पण काहीजण जरा जास्तच चौकशी करतील, अशा नातेवाईकांसापासून सावध राहा. तुमचे कामाचे सिक्रेट कोणासोबतही शेअर करू नका.
कन्या आर्थिक राशिभविष्य :- आजचा दिवस तुमच्यासाठी आनंदाची बातमी घेऊन येणार आहे. खूप दिवसांपासून तुम्ही अंधारात चाचपडत होतात. अनेक समस्यांचा सामना करत होतात पण आता ते सगळं काही दूर होईल. तुमच्या क्रिएटीव्हीटाला चालना मिळणार आहे. जे लोक विज्ञान, कला किंवा लेखन क्षेत्रात कार्य करत आहेत त्यांना चांगले प्रोजेक्ट मिळतील त्याचा लाभ घ्या. संध्याकाळपर्यंत सगळी कामे व्यवस्थित मार्गी लागतील.
तुळ आर्थिक राशिभविष्य :- तुम्ही नेहमीच असे काम करत असता जे इतरांसाठी धोकादायक असू शकते, पण तुमच्या कुटुंबासाठी ही गोष्ट अगदीच नेहमीसारखी आहे. घरात तुमचा मान सन्मान वाढेल. संकटांचा सामना धैर्याने करणार. नोकरीत कामं वाढत आहेत पण तुम्ही वेळेत सगळं काही नियोजन केलं तर कामे पटापट मार्गी लागतील. व्यवसाय वाढीचा विचार करत असाल तर सध्या तो विचार पुढे ढकला.
वृश्चिक आर्थिक राशिभविष्य :- आजचा दिवस तुम्हाला थोडा गोंधळात टाकणार आहे. घरगुती आणि व्यावसायिक वातावरणात गोंधळ, तणाव आणि वाद होण्याची शक्यता आहे. मात्र संध्याकाळपर्यंत तुमच्या कौशल्याने तुम्ही अडचणी कमी करण्यात यशस्वी व्हाल. जे लोक फ्रिलान्समध्ये काम करत आहेत त्यांनी कामात सखोल लक्ष द्यावे. विद्यार्थ्यांनी स्पर्धा परीक्षेत सहभाग घ्यावा. संध्याकाळी एखाद्या सामाजिक किंवा राजकीय कार्यक्रमात सहभागी होणार आहात.
धनू आर्थिक राशिभविष्य :- आज तुम्ही पैशाची देवाणघेवाण करताना सावध राहा कारण फसवणुकीची शक्यता आहे. काही कारणामुळे कोर्टकचेरीच्या चकरा माराव्या लागतील पण अखेरीस विजय तुमचात होईल. तुमच्या विरोधातील षडयंत्र अपयशी ठरेल. धनूचे जातक आज भरपूर शॉपिंग करणार आहात, खास करून गृहोपयोगी वस्तूंवर पैसे खर्च होतील. घरातील सुख सुविधा आज वाढतील. ऑफिसमधील सहकारी किंवा घरातील एखाद्या व्यक्तीमुळे तणाव वाढू शकतो.
मकर आर्थिक राशिभविष्य :- आज आर्थिकस्थिती पूर्वीपेक्षा अधिक मजबूत होणार आहे. व्यवसायात परिवर्तनाची योजना आखणार आहात. स्पर्धा परीक्षा दिली असेल तर त्यात उत्तम यश आहे. कौटुंबिक जबाबदारी पूर्ण होईल. प्रवासाचा योग आहे पण काही कारणाने तो पुढे ढकलला जाईल. वाहन चालवताना काळजी घ्या कारण अचानक त्यात बिघाड होईल, त्यामुळे खर्च वाढेल. व्यावसायिक क्षेत्रात तुमच्या मनाप्रमाणे अनुकूल लाभ होईल.
कुंभ आर्थिक राशिभविष्य :- आज एखाद्या मालमत्तेची खरेदी विक्री करण्यापूर्वी सर्व कायदेशीर बाबींचा गांभीर्याने विचार करा. पत्नीला अचानक काही शारीरिक त्रास होऊ शकतो, त्यामुळे धावपळ होईल, तसेच खर्चही अधिक होईल. सायंकाळी पत्नीच्या प्रकृतीत सुधारणा होईल, पूर्ण आराम मिळण्यात वेळ लागेल. तुम्ही ताणतणाव वाढू देवू नका, स्वतःची काळजी घ्या. व्यवसायात सहकाऱ्यांचा आदर करा, त्यांचे म्हणणे ऐकून घ्या. गाडीचा वेग नियंत्रणात ठेवा.
मीन आर्थिक राशिभविष्य :- आज व्यापारातील बढती, प्रगती यामुळे आनंदाला उधाण येईल. विद्यार्थ्यांची मानसिक आणि बौद्धिक ओझ्यातून सुटका होणार आहे. मुलांच्या जीवनात समाधाना असेल. मीन राशीसाठी जवळचा किंवा दूरचा प्रवास होऊ शकतो, या प्रवासात लाभ होईल. सायंकाळी भटकंती करताना एखादी महत्त्वाची माहिती मिळेल. आज तुम्ही एकदम रिलॅक्स असाल. आईवडिलांचा सल्ला आणि आशीर्वाद सोबत राहू द्या, म्हणजे कामे मार्गी लागतील.
