📰 2028 ऑलिम्पिकचं वेळापत्रक जाहीर! क्रिकेटसह अनेक स्पर्धांची तारीख ठरली

अकोला न्यूज नेटवर्क ब्युरो 
नागपूर | ऑलिम्पिक खेळांप्रती जगभरात असलेली उत्सुकता आणखी वाढली आहे. 2028 मध्ये लॉस अँजेलिसमध्ये होणाऱ्या ऑलिम्पिक स्पर्धेचं अधिकृत वेळापत्रक सोमवारी जाहीर करण्यात आलं. यामध्ये क्रिकेटचा पहिल्यांदाच समावेश झाल्यामुळे भारतीय क्रीडा प्रेमींमध्ये विशेष उत्साह आहे.

🗓️ स्पर्धेची अधिकृत तारीख:
उद्घाटन समारंभ १५ जुलै २०२८, समारोप ३० जुलै २०२८ रोजी होणार आहे. मात्र काही खेळांना १२ जुलैपासूनच सुरुवात होणार आहे.

---

🏏 क्रिकेटचा पहिलाच थरार

क्रिकेट या खेळाचा ऑलिम्पिकमध्ये समावेश हे या स्पर्धेचं खास आकर्षण ठरत आहे. १२ जुलैपासून सुरू होणाऱ्या क्रिकेट स्पर्धा २९ जुलैपर्यंत चालणार असून, त्या कालावधीत अनेक रोमांचक सामने पाहायला मिळणार आहेत. फुटबॉल आणि हॉकी यांसारख्या संघात्मक खेळांचीही सुरुवात १२ जुलैपासून होणार आहे. यामुळे उद्घाटन समारंभाआधीच स्पर्धेचा उत्सव रंगणार आहे.

---

🎽 कधी कोणता खेळ? झटपट वेळापत्रक

• अ‍ॅथलेटिक्स: १५ ते ३० जुलै
• बॉक्सिंग: १५ ते ३० जुलै
• बॅडमिंटन: १५ ते २४ जुलै
• हॉकी/फुटबॉल: १२ ते २९ जुलै
• बास्केटबॉल (3×3): १६ ते २२ जुलै
• टेनिस: १९ ते २८ जुलै
• तायक्वांदो: २६ ते २९ जुलै
• ट्रायथलॉन: १६ ते २० जुलै
• रग्बी सेव्हन्स: १२ ते १८ जुलै
• घोडेस्वारी/रोइंग/सायकलिंग: १५ जुलैपासून

उद्घाटनाआधी मेडल स्पर्धा नाहीत, पण १५ जुलैपासून अ‍ॅथलेटिक्स आणि जिम्नॅस्टिक्ससारख्या महत्त्वाच्या खेळात मेडल वाटप सुरू होईल.

---

🏅 खेळाडूंसाठी तीन वर्षांपूर्वीची तयारी सुरू

लॉस अँजेलिसमध्ये होणाऱ्या या स्पर्धेसाठी जगभरातील खेळाडूंनी आता तयारी सुरू केली आहे. २०२४ च्या पॅरिस ऑलिम्पिकनंतर आता हे पुढचं टप्पं ठरत असून अनेक खेळाडूंच्या नजरा २०२८ च्या स्पर्धेवर आहेत.

---

📍 भारतीय संघांची संधी वाढली

क्रिकेटच्या समावेशामुळे भारतीय संघाला पदकाची नविन संधी मिळाली आहे. हॉकी, बॉक्सिंग, बॅडमिंटन, कुस्ती या खेळांमध्ये भारत नेहमीच दावेदार राहिला आहे. क्रिकेटमध्ये भारत सुवर्णपदकासाठी प्रमुख संघांमध्ये गृहित धरला जात आहे.

---

🏁 खास वैशिष्ट्य

या वेळचा ऑलिम्पिक अनेक कारणांनी वैशिष्ट्यपूर्ण ठरणार आहे. अमेरिका पुन्हा एकदा ऑलिम्पिकचं आयोजन करत असून, लॉस अँजेलिसमध्ये याआधी १९८४ मध्ये ऑलिम्पिक पार पडलं होतं. यावेळी अनेक नवीन तंत्रज्ञान, हरित ऊर्जा आणि प्रेक्षक-मैत्रीपूर्ण सुविधा यांचा समावेश होणार आहे.