💥 IAS अधिकारी की धनसंपत्तीचा डोंगर! १४ कोटी बँक बॅलन्स, ७ फ्लॅट्स आणि २ बंगले – ईडीची मोठी कारवाई

अकोला न्यूज नेटवर्क ब्युरो 
नवी दिल्ली | हरियाणा कॅडरमधील निवृत्त IAS अधिकारी मुरारी लाल तायल यांच्या विरोधात अंमलबजावणी संचालनालयाने (ED) मोठी कारवाई केली असून, तब्बल १४ कोटी रुपयांचा बँक बॅलन्स, ७ अपार्टमेंट आणि २ आलिशान बंगल्यांची मालमत्ता तात्पुरती जप्त करण्यात आली आहे. ही कारवाई मनी लाँडरिंग प्रतिबंधक कायद्यानुसार (PMLA) करण्यात आली आहे.

---

🏘️ संपत्तीचा आकडा चकित करणारा!

ईडीने जारी केलेल्या माहितीनुसार, चंदीगड, नवी दिल्ली व गुडगाव येथील या मालमत्तेची एकूण किंमत कोट्यवधी रुपयांमध्ये आहे. यामध्ये दोन भव्य बंगले, सात अलिशान अपार्टमेंट्स आणि १४.०६ कोटी रुपयांचा बँक शिल्लक रक्कम समाविष्ट आहे . या कारवाईनंतर सध्या संपूर्ण प्रशासकीय वर्तुळात खळबळ उडाली आहे.

---

🕴️ भूपिंदर हुड्डांचे माजी प्रधान सचिव

तायल यांनी २००५ ते २००९ दरम्यान हरियाणाचे तत्कालीन मुख्यमंत्री भूपिंदर सिंग हुड्डा यांचे प्रधान सचिव म्हणून काम पाहिले होते. त्याच कालावधीत त्यांनी त्यांच्या उत्पन्नाच्या स्त्रोतांपेक्षा जास्त मालमत्ता जमवली, असा CBI चा ठपका आहे.

---

🕵️‍♂️ पत्नी आणि मुलावरही चौकशीचा फास

ईडी आता या प्रकरणात तायल यांच्या पत्नी सविता तायल आणि मुलगा कार्तिक तायल यांच्या आर्थिक व्यवहारांचीही चौकशी करत आहे. त्यांचे आयकर विवरणपत्र, बँक व्यवहार, आणि इतर आर्थिक हालचाली तपासल्या जात आहेत.

---

📝 CBI चा FIR आणि ED चा पुढील तपास

CBI ने २०१५ मध्ये मानेसर जमीन अधिग्रहण घोटाळा प्रकरणात पहिला एफआयआर दाखल केला होता. त्यानंतर २०१७ मध्ये बेहिशेबी संपत्ती प्रकरणी दुसरा गुन्हा दाखल झाला. याच अनुषंगाने आता ईडीने या कारवाईचा बडगा उगारला आहे.

---

📌 राजकीय आणि प्रशासकीय वर्तुळात खळबळ

या कारवाईमुळे निवृत्त झाल्यानंतरही प्रशासनातील काही मंडळींनी संपत्तीच्या नावाखाली केलेला गैरव्यवहार पुन्हा एकदा चर्चेत आला आहे. यामुळे भ्रष्टाचाराच्या मुळाशी जाण्यासाठी केंद्र सरकार आणि तपास यंत्रणांकडून आणखी काही मोठ्या नावांची चौकशी होण्याची शक्यता आहे.

---

🚨 पुढचे पावलं?

सध्या ही मालमत्ता तात्पुरती जप्त करण्यात आली असून, पुढील टप्प्यात या मालमत्तेचा अंतिम निर्णय कोर्टाच्या आदेशानुसार घेतला जाणार आहे. यामध्ये काही मालमत्ता जप्त राहतील, तर काहींचा लिलावही होऊ शकतो.